Nú liggur fyrir uppgjör Söfnunarsjóðs lífeyrisréttinda miðað við 31.12.2009. Eignir eru færðar niður til að mæta mögulegum töpum framtíðar.  Hrein eign til greiðslu lífeyris er í árslok 67,2 milljarðar króna og óx um 9,4 milljarða króna eða um 16,3% frá fyrra ári.  Iðgjöld vaxa um 6,3% og námu 3,0 milljörðum króna.  Lífeyrisgreiðslur jukust um 35,8% og námu 990 milljónum króna.  Mest jukust greiðslur vegna ellilífeyris eða um 34,9% og námu 682 milljónum króna.  Hlutfall ellilífeyris fer áfram vaxandi sem hlutfall af heildarlífeyrisgreiðslum sjóðsins.  Afkoma sjóðsins var þannig að hrein nafnávöxtun nam 12,7% og hrein raunávöxtun 3,8%.  Meðaltal hreinnar raunávöxtunar síðastliðin 5 ár er 2,8% og síðastliðin 10 ár 3,3%.

Rekstarkostnaður sjóðsins nam 0,13% af  eignum árið 2009.  Eignasamsetning sjóðsins í árslok 2009 er þannig að innlend hlutabréf námu 1%, erlend verðbréf námu 26% og innlend skuldabréf námu 73% eigna.

Tryggingafræðileg staða sjóðsins er þannig að sjóðurinn stendur svo til að fullu undir skuldbindingum sínum.  Staða sjóðsins er þannig að eignir umfram skuldbindingar eru neikvæðar um 3,8%. Með tilliti til þess mun ekki koma til skerðinga á áunnum lífeyrisréttindum eða lífeyrisgreiðslum sjóðsins.

Séreignardeild sjóðsins skilaði ávöxtun í samræmi við markaðsaðstæður.  Tvær leiðir eru í gangi Söfnunarleið I sem er innlánsreikningur og Söfnunarleið II.  Nafnávöxtun Söfnunarleiðar I var 15,7% og raunávöxtun 6,8%.  Nafnávöxtun Söfnunarleiðar II sem er blandað safn verðbréfa var 13,8% og raunávöxtun 4,7%.  Hrein eign beggja séreignarleiða í árlok 2009 nam 491,1 milljónum króna.  Eignir vaxa um 14% frá fyrra ári.

Smellið HÉR til að sjá yfirlit yfir afkomu