Söfnunarsjóður lífeyrisréttinda neyðist vegna sérstakra aðstæðna á mörkuðum að loka tímabundið fyrir flutning á séreign milli Söfnunarleiða. Jafnframt er ekki hægt við þessar aðstæður að greiða út úr leiðunum enda greiðir sjóðurinn almennt mánaðarlega.

Aðstæður á mörkuðum eru þess eðlis að þetta er mikilvægt svo gætt sé jafnræðis milli allra rétthafa séreignardeildar Söfnunarsjóðs lífeyrisréttinda. Mikilvægt er að hafa í huga að allar innistæður sem eru í Söfnunarleið I, eru ávaxtaðar á innlánsreikningi sem er tryggður í samræmi við ákvörðun ríkisstjórnar þar um. Að öðru leyti er beðist velvirðingar á þeim óþægindum sem þetta kann að valda rétthöfum.