Ellilífeyrir
Flestir lífeyrissjóðir á almennum vinnumarkaði miða töku ellilífeyris við 67 ára aldur. Hjá nokkrum sjóðum miðast þó hinn almenni ellilífeyrisaldur við 65 ára aldursmarkið.
Ellilífeyrir skal borgaður út mánaðarlega með jöfnum greiðslum til æviloka.

Sveigjanleg starfslok
Flýting töku ellilífeyris. Þrátt fyrir að taka ellilífeyris hjá lífeyrissjóðum miðist annað hvort við 65 eða 67 ára aldur þá er almennt heimilt að flýta töku hans um allt að fimm ár og lækkar hann þá fyrir hvert ár sem töku hans er flýtt. Þessar reglur eru þó mismunandi hjá lífeyrissjóðunum.

Frestun töku ellilífeyris:
Sjóðfélagi getur tekið ákvörðun um að fresta töku ellilífeyris um allt að fimm ár og hækkar þá lífeyririnn fyrir hvert ár sem töku hans er frestað.

Algengast er að hægt sé að flýta töku ellilífeyris til 65 ára aldurs eða fresta henni til 70 ára aldurs. Þessar reglur eru þó mismunandi hjá lífeyrissjóðunum.

Reglur um flýtingu eða frestun á töku ellilífeyris eru þannig reiknaðar að sjóðfélaginn á hvorki að hagnast né tapa hvort sem hann velur að taka lífeyri fyrr eða seinna.

Viðbótarlífeyrissparnaður
Viðbótarlífeyrissparnaður er til frjálsrar ráðstöfunar eftir að eintaklingur hefur náð 60 aldri. Viðbótarlífeyrissparnaður er mjög hagkvæm leið fyrir sjóðfélaga sem vilja hækka tekjur við starfslok, hætta fyrr eða draga úr vinnu áður en hinum almenna ellilífeyrisaldri er náð.