Barnalífeyrir
Barnalífeyrir er greiddur ef sjóðfélaginn hefur greitt í a.m.k. 24 mánuði á undanfarandi 36 mánuðum fyrir andlát, notið elli- eða örorkulífeyris við andlátið eða öðlast rétt til framreiknings. Börn sjóðfélagans og kjörbörn eiga rétt á barnalífeyri til 18 ára aldurs. Litið er á stjúpbörn og fósturbörn sem börn sjóðfélagans enda hafi hann framfært þau um árabil. Upphæð barnalífeyris er almennt ekki háð launum sjóðfélagans heldur er hún föst fjárhæð sem breytist í samræmi við hækkun vísitölu neysluverðs. Oftast er barnalífeyrir hærri vegna fráfalls en vegna orkutaps sjóðfélagans. Sumir lífeyrissjóðir greiða barnalífeyri lengur en til 18 ára aldurs barnsins.