Leiðbeiningar

  1. Fylla út lánsumsókn.
  2. Útvega fasteigna- og brunabótamat hjá fasteignamati ríkisins. Sjóðurinn getur einnig útvegað gögnin.
  3. Sækja nýtt þinglýsingavottorð hjá viðkomandi sýslumannsembættum. Sjóðurinn getur einnig útvegað gögnin.
  4. Afrit af síðustu greiðsluseðlum lána sem eru á þeirri eign sem skal veðsetja.
  5. Vottorð um smíðatryggingu og fokheldisvottorð (ef við á).
  6. Kaupsamningur sé hann til staðar.
  7. Greiðslumat skal fara fram ef fjárhæð láns er 5 milljónir króna eða meira og 10 milljónir króna eða meira, ef um hjón eða sambúðarfólk er að ræða. Ef heildarveðsetning er yfir 10 milljónum þarf einnig að fara í greiðslumat. Um lánshæfismat og greiðslumat er vísað til laga um fasteignalán til neytenda, lög nr. 118/2016 VI. kafli.
  8. Útvega gögn svo sjóðurinn geti unnið greiðslumat eða afhenda sjóðnum greiðslumat ef lántaki hefur látið gera greiðslumat hjá annarri lánastofnun. Matið má ekki vera eldra en þriggja mánaða að jafnaði.
  9. Skila umsóknareyðublaðinu útfylltu og undirrituðu.
  10. Að uppfylltum skilyrðum samþykkir sjóðurinn lánið og tilkynnir lántaka niðurstöðuna.
  11. Landsbankanum verða send gögn til skjalagerðar. Bankinn útbýr skjöl til undirritunar og hefur samband við lántaka.
  12. Lántaki sér um að þinglýsa skuldabréfinu og kemur því í afgreiðslu bankans að því loknu.
  13. Lánsfjárhæð er lögð inn á reikning lántaka að frádregnum kostnaði við lántökuna.

 

Vegna greiðslumats þarf eftirfarandi gögn:

  1. Staðfest afrit af síðasta skattframtali.
  2. Launþegar: launaseðla síðustu þriggja mánaða
  3. Ef sjálfstæðir atvinnurekendur og verktakar: staðgreiðsluyfirlit frá RSK ásamt launaseðlum síðustu þriggja mánaða.
  4. Staðfestingu á öðrum tekjum, þ.m.t. fjármagnstekjum og föstum bótagreiðslum. (ef við á).
  5. Staðfestingu á eftirstöðvum og greiðslubyrði allra skammtíma- og langtímaskuldbindinga. Sem dæmi má nefna; fasteignalán, LÍN, raðgreiðslusamninga, bílalán, ásamt öðrum skammtímaskuldum.
  6. Staðfestingu á föstum greiðslum, s.s. vegna meðlags ,lífeyris- og húsaleigubóta.
  7. Verðmat fasteigna í eigu lántaka eða fasteigna sem hann hyggst kaupa, t.d. fasteignamat Þjóðskrár Íslands.
  8. Veðbókarvottorð á öllum fasteignum í eigu lántaka.
  9. Upplýsingar um ábyrgðarskuldbindingar.
  10. Afrit af undirrituðu kauptilboði, bæði vegna sölu á fasteign og/eða fasteignakaupa.
  11. Önnur gögn sem varpað geta ljósi á fjárhagsstöðu lántaka.
  12. Annað sem sjóðurinn kann að óska eftir.

 

Viðbótar upplýsingar

    • Hægt er að óska eftir því að Landsbankinn sjái um þinglýsingu gegn gjaldi.
    •  Söfnunarsjóður lífeyrisréttinda útvegar lánshæfismat frá Creditinfo.
    • Sjóðnum er heimilt að hafna umsókn um lán eða takmarka lánsfjárhæð þegar ekki er sýnt fram á fullnægjandi greiðslugetu að mati sjóðsins.
    • Lánsveð eru ekki tekin gild.

Um sjóðinn

Söfnunarsjóður lífeyrisréttinda er lífeyrissjóður ætlaður öllum launþegum og sjálfstætt starfandi einstaklingum sem eiga ekki sjálfsagða aðild að öðrum lífeyrissjóðum. Hann getur því verið góður kostur fyrir ýmsa aðila sem þurfa að velja sér lífeyrissjóð. Sjóðurinn byggir á samtryggingu og séreign. Hann er sjálfstæður lífeyrissjóður sem ekki starfar í tengslum við stéttarfélag.

Skrifstofan

Skrifstofan er opin alla virka daga frá kl. 9 til 16
Söfnunarsjóður lífeyrisréttinda
Borgartún 29, 105 Reykjavík
  • KT: 450181-0489 | Banki: 101-26-19050
  • Sími: 510 7400 | Fax: 510 7401
  • Tölvupóstur: sl[hjá]sl.is
Númer samtryggingardeildar er: L015
Númer séreignardeildar er: X016
Númer endurhæfingasjóðs er: R015

Finndu okkur!