Skattlagning iðgjalda og lífeyris

Skattfrelsi iðgjalda

Iðgjöld launþega dragast frá skattskyldum tekjum hans og launagreiðandi getur dregið framlag sitt frá skatti.

Skattlagning lífeyris

Réttindi hjá lífeyrissjóðum, hvort sem um er að ræða réttindi til ævilangs ellilífeyris, örorkulífeyris, makalífeyris eða barnalífeyris, eru undanþegin fjármagnstekjuskatti af vaxtatekjum og eignarskatti af lífeyrisréttindum. Lífeyrisgreiðslur eru hins vegar skattlagðar eins og hverjar aðrar vinnutekjur en lífeyrisþegar geta nýtt sér persónuafslátt sinn til að lækka skattana.

Þar sem lífeyrisiðgjöld eru greidd óskattlögð í lífeyrissjóð er komið í veg fyrir tvísköttun lífeyris.

Samspil bóta almannatrygginga og lífeyrissjóða

Einstaklingur sem fær ellilífeyri hjá almannatryggingum getur einnig átt rétt á tekjutryggingu. Fari tekjur ellilífeyrisþega, að undanskildum greiðslum frá Tryggingastofnun, húsaleigubótum og fjárhagsaðstoð sveitarfélaga, ekki yfir ákveðna upphæð, svokallað tekjumark, á hann rétt á óskertri tekjutryggingu.
Skattskyldar tekjur yfir tekjumarkinu, þ. á m. lífeyrir frá lífeyrissjóðum, skerða tekjutryggingu um 45% þeirra tekna sem umfram eru. Helmingur fjármagnstekna skerðir einnig tekjutryggingu á sama hátt. Nánari upplýsingar má fá hjá Tryggingastofnun ríkisins.
Vefslóðin er www.tr.is.

Um sjóðinn

Söfnunarsjóður lífeyrisréttinda er lífeyrissjóður ætlaður öllum launþegum og sjálfstætt starfandi einstaklingum sem eiga ekki sjálfsagða aðild að öðrum lífeyrissjóðum. Hann getur því verið góður kostur fyrir ýmsa aðila sem þurfa að velja sér lífeyrissjóð. Sjóðurinn byggir á samtryggingu og séreign. Hann er sjálfstæður lífeyrissjóður sem ekki starfar í tengslum við stéttarfélag.

Skrifstofan

Skrifstofan er opin alla virka daga frá kl. 9 til 16
Söfnunarsjóður lífeyrisréttinda
Borgartún 29, 105 Reykjavík
  • KT: 450181-0489 | Banki: 101-26-19050
  • Sími: 510 7400 | Fax: 510 7401
  • Tölvupóstur: sl[hjá]sl.is
Númer samtryggingardeildar er: L015
Númer séreignardeildar er: X016
Númer endurhæfingasjóðs er: R015

Finndu okkur!