Skipting ellilífeyrisréttinda


Í lögum nr. 129/1997 um skyldutryggingu lífeyrisréttinda og starfsemi lífeyrissjóða eru mörg merk nýmæli, þar á meðal um heimildir sjóðfélaga til að skipta ellilífeyrisréttindum. Tekið skal fram að ekki er skylt að skipta ellilífeyrisréttindum milli hjóna.
  • Skipting ellilífeyrisréttindanna tekur til þeirra sem eru eða hafa verið í hjúskap, óvígðri sambúð eða staðfestri samvist.
  • Skipting ellilífeyrisréttinda skal vera gagnkvæm, þ.e. hvort hjóna eða sambúðarfólks skal veita hinu sama hlutfall réttinda sinna. Þess vegna þurfa báðir aðilar að skipta ellilífeyrisréttindum sínum. Heimilt er að framselja til makans allt að helmingi ellilífeyrisréttindanna.
  • Skiptingin skal aðeins taka til áunninna réttinda meðan hjúskapur, óvígð sambúð eða staðfest samvist hefur staðið eða mun standa.

Skipting ellilífeyrisréttindanna getur verið með eftirfarandi hætti:

  • Í fyrsta lagi er heimilt að skipta samtímagreiðslu ellilífeyris, þ.e. þeim greiðslum sem nú fara fram.
  • Í öðru lagi er hægt að skipta áunnum ellilífeyrisréttindum.
  • Í þriðja lagi er um að ræða skiptingu þeirra ellilífeyrisréttinda sem munu ávinnast eftir að samkomulag um skiptinguna hefur verið gert.

Skiptingin getur því varðað ellilífeyrisréttindi í nútíð, fortíð og framtíð.

Samningseyðublað
Landssamtök lífeyrissjóða hafa látið útbúa sérstakan fræðslubækling um skiptingu ellilífeyrisréttinda milli hjóna, sem sjóðfélagar og makar þeirra geta nálgast á skrifstofum lífeyrissjóðanna, ásamt samningseyðublöðum.

Samningseyðublöð:
Umsókn um skiptingu lífeyrisréttinda
Læknisvottorð einstaklings

Um sjóðinn

Söfnunarsjóður lífeyrisréttinda er lífeyrissjóður ætlaður öllum launþegum og sjálfstætt starfandi einstaklingum sem eiga ekki sjálfsagða aðild að öðrum lífeyrissjóðum. Hann getur því verið góður kostur fyrir ýmsa aðila sem þurfa að velja sér lífeyrissjóð. Sjóðurinn byggir á samtryggingu og séreign. Hann er sjálfstæður lífeyrissjóður sem ekki starfar í tengslum við stéttarfélag.

Skrifstofan

Skrifstofan er opin alla virka daga frá kl. 9 til 16
Söfnunarsjóður lífeyrisréttinda
Borgartún 29, 105 Reykjavík
  • KT: 450181-0489 | Banki: 101-26-19050
  • Sími: 510 7400 | Fax: 510 7401
  • Tölvupóstur: sl[hjá]sl.is
Númer samtryggingardeildar er: L015
Númer séreignardeildar er: X016
Númer endurhæfingasjóðs er: R015

Finndu okkur!