Ein besta langtímaávöxtunin

SL lífeyrissjóður er varfærinn fjárfestir sem hefur það að markmiði að hámarka lífeyrisgreiðslur til sjóðfélaga sinna og tryggja þeim bestu lífeyrisréttindi sem kostur er á með ávöxtun iðgjalda og eigna, áhættustýringu og hagkvæmum rekstri. Sjóðurinn hefur náð einstökum árangri í langtímaávöxtun og hefur um árabil verið í fremstu röð þegar kemur að ávöxtun sameignarsjóðs til lengri tíma.

Markaðsaðstæður árið 2022 voru afar krefjandi hérlendis sem erlendis sem endurspeglast nokkuð í niðurstöðum fyrir árið. Nafnávöxtun sjóðsins var jákvæð um 0,6% árið 2022  en hrein raunávöxtun var neikvæð um 8,0%. Meðaltal hreinnar raunávöxtunar til 5 ára er 5,0%, meðaltal hreinnar raunávöxtunar til 10 ára er 4,9% og til 20 ára er meðaltalið 4,7%. Meðaltal hreinnar raunávöxtunar til 20 ára er með því besta sem gerist hjá íslenskum lífeyrissjóðum og er því vel yfir því 3,5% ávöxtunarviðmiði umfram vísitölu neysluverðs sem miðað er við í tryggingafræðilegum uppgjörum lífeyrissjóða.

SL hefur aldrei þurft að skerða lífeyrisgreiðslur til sjóðfélaga.

Nánar um ávöxtun sjóðsins, Ársskýrsla 2022