Hagstæð sjóðfélagalán - lækkun lántökukostnaðar

Söfnunarsjóður lífeyrisréttinda veitir sjóðfélögum sínum hagstæð lán til allt að 40 ára gegn veði í fasteign.

Stjórn sjóðsins ákvað seinni hluta síðastliðins árs að lækka lántökugjaldið úr 1% í 0,5%. Jafnframt þarf ekki lengur að greiða stimipilgjald en það var 1,5%.

Hægt er að velja milli fastra og breytilegra vaxta sem og jafnra afborgana eða jafnra greiðslna (annuitet). Einnig er möguleiki á að greiða lánin upp hvenær sem er án sérstaks uppgreiðslugjalds.

Nánari upplýsingar eru veittar á heimasíðunni sem og á skrifstofu sjóðsins.