21. október 2022

Breyting á vöxtum verðtryggðra lána til sjóðsfélaga

Á fundi stjórnar SL lífeyrissjóðs þann 18. október sl. var ákveðið að lækka fasta vexti á verðtryggðum lánum til sjóðfélaga úr 3,55% í 2,95%. Breytingin tekur gildi frá og með 1. nóvember 2022. Þetta hefur eingöngu áhrif á ný sjóðfélagalán, en þeir geta nú tekið verðtryggð lán til allt að 40 ára á lægri föstum verðtryggðum vöxtum en áður.

Sökum þess að stýrivextir hafa hækkað og vegna þeirra óvissu sem framundan er þá hafa vextir hækkað á markaði sem leiðir til þess að breytilegir vextir sjóðsins hækka að sama skapi. Því var einnig ákveðið að hækka breytilega vexti á verðtryggðum lánum sjóðfélaga úr 1,64% í 1,99%. Þetta hefur áhrif á útistandandi verðtryggð lán sjóðfélaga með breytilegum vöxtum og mun því auka greiðslubyrði slíkra lána.

Breytist staðan á ný og vextir lækki munu vextir sjóðsins fylgja þeirri þróun. Tekur breytingin gildi 1. desember 2022. Á það er minnt að sjóðfélagar geta óskað eftir því að breyta vaxtakjörum verðtryggðs láns með breytilega vexti í fasta vexti.

Ef þú vilt frekari upplýsingar þá endilega hafðu samband við sjóðinn með tölvupósti á netfangið sl@sl.is eða í síma 5107400.

Fleiri fréttir

Sjá allar fréttir
Mynd með frétt
24.nóv. 2022

Afar sterk lagaleg staða lífeyrissjóða vegna fyrirhugaðra slita ÍL-sjóðs

Fyrirhuguð lagasetning fjármálaráðherra um gjaldþrot eða sambærileg skuldaskil ÍL-sjóðs fer í bága við stjórnarskrá og...
Lesa meira
Sjá allar fréttir