21. september 2023
Hækkun vaxta sjóðfélagalána
Á fundi stjórnar SL lífeyrissjóðs þann 19. september sl. var ákveðið að hækka vexti sjóðfélagalána. Verðtryggðir fastir vextir verða 3,55% og tekur breytingin eingöngu til nýrra lána sem veitt eru frá og með 20.09.2023. Breytilegir verðtryggðir vextir sjóðfélagalána verða 3,15%. Tekur breytingin gildi 1. nóvember nk. og hefur áhrif á áður veitt lán með breytilegum vöxtum sem og ný lán. Loks verða óverðtryggðir vextir 9,70% og tekur breytingin gildi 15.10.2023. Hefur breytingin áhrif á ný óverðtryggð lán og þau lán sem eru að koma til vaxtaendurskoðunar næstu misserin. Ástæða þessa er sú að vextir á verðbréfamarkaði hafa hækkað verulega að undanförnu og að verðbólga hefur verið þrálátari en vænst var. Nánari upplýsingar um vexti sjóðfélagalána eru á heimasíðu sjóðsins undir lán og svo flipi er heitir vaxtatafla sjóðsins. Ef sjóðfélagar vilja frekari upplýsingar þá velkomið að hafa samband við sjóðinn annað hvort í gegnum netfangið sl@sl.is eða síma 5107400.
Fleiri fréttir
Sjá allar fréttir
02.jún. 2025
Nýr framkvæmdastjóri og nýr sviðsstjóri áhættustýringarsviðs
Guðmundur Stefán Steindórsson hefur tekið við starfi framkvæmdastjóra SL lífeyrissjóðs en hann tekur við keflinu af...
Lesa meira24.mar. 2025
Ársfundur SL 2025
19.mar. 2025